Желілік агентті тыныш режимде орнатуға болады, яғни орнату параметрлерін интерактивті түрде енгізбестен. Тыныш орнату үшін Желілік агенттің Windows Installer пакеті (MSI) қолданылады. MSI файлы Kaspersky Security Center бағдарламасының дистрибутивінде Packages\NetAgent\exec қалтасында орналасқан.
Kaspersky Network Agent.msi орнату пакетінің атын өзгертпеңіз. Пакет атауы өзгертілсе, желілік агентті жаңартқан кезде орнату қателері пайда болуы мүмкін.
MSI пакетінен желілік агентті тек тыныш режимде орнатуға болады, MSI пакетінен интерактивті орнатуға қолдау көрсетілмейді.
Жергілікті құрылғыда Желілік агентті тыныш режимде орнату үшін:
msiexec /i "Kaspersky Network Agent.msi" /qn <setup_parameters>
мұндағы setup_parameters – бір-бірінен бос орын арқылы бөлінген параметрлер мен олардың мәндерінің тізімі (PROP1=PROP1VAL PROP2=PROP2VAL).
Параметрлер тізіміне EULA=1 параметрін қосуыңыз керек. Әйтпесе, Желілік агент орнатылмайды.
Егер сіз қашықтағы құрылғыларда Kaspersky Security Center және Желілік агент үшін стандартты қосылым параметрлерін қолдансаңыз, келесі пәрменді орындаңыз:
|
|
/l*vx – оқиғалар журналына жазу кілті. Оқиғалар журналы Желілік агентті орнатқан кезде жасалады және C:\windows\temp\nag_inst.log қалтасында сақталады.
nag_inst.log файлынан басқа, бағдарлама орнату оқиғаларының журналын қамтитын $klssinstlib.log файлын жасайды. Бұл файл %windir%\temp немесе %temp% қалтасында сақталады. Ақауларды жою үшін сізге немесе Kaspersky Техникалық қолдау қызметінің маманына екі журнал файлы қажет болуы мүмкін – nag_inst.log және $klssinstlib.log.
Басқару серверіне қосылу үшін портты қосымша көрсету қажет болса, келесі пәрменді енгізіңіз:
|
|
SERVERPORT параметрі Басқару серверіне қосылу портының нөміріне сәйкес келеді.
Желілік агентті тыныш режимде орнату кезінде қолдануға болатын параметрлердің аттары мен ықтимал мәндері Желілік агентті орнату параметрлері бөлімінде келтірілген.